،

قالب جديد + Bokeh ~

السلام عليكم

كل عام وانتم بخييير

اشتقت لمدونتي والله

وبمناسبة العيد السعيد تمـ تغييّر قالب المدونة

< تدوّر عذر لتغيير القالب

مع اني احب القالب السابق بس قلت لازم اغيره خلاص انتهى عمره الافتراضي

~ ~ ~

نبدأ بالجد

اليوم عندنا طريقة تصوير البوكيه / Bokeh

قد نزلت الشرح في منتديات رحلة أمل .. وبالفيس بوك أيضآ

الطريقة والشرح أساسآ من الجميلة المبدعة أماني@رحلة أمل

بس التطبيق والتجربة لي < بالله

المهم اني حبيت البوكيه جدآ يوم جربته

كنت اتخيله صعب ويبيله شغل

نبدأ بالطريقة

اولآ نجهز الأغراض

- خلفية

- قصدير

-مقص أو خرامه

- صمغ

- العنصر الاساسي ( لعبه تحفه كيكه اي شيء )

نبدأ نقص القصدير باي شكل نحب

أنا استخدمت هذي الخرامه تقص على شكل قلب ، اسرع واحلى

اشتريتها من مكتبة الشرق

نبدأ نلصق القصدير ع الخلفية بالصمغ ..

ونثبت الخلفية ..

ونجرب ع الكام خاصيه الـ اوت فوكس ( out of focus )
نلاقي شكلها مضبب

نحط الخلفية على بعد معقول ، يعني مانلزقها بالعنصر عشان يطلع ويانا الشغل اوكي ولا ، نبعدها حيل عشان ماتبين الخلفية

ونحط العنصر مقابلها

صوره توضيحيه

الإضاءة تكون خفيفه لونها ابيض

وحاولوا تبعدونها بحيث ماتأثر حيـل ع الخلفيه والعنصر

وتتغطى بـ منيدل او قطعه بيضا قطنيه خفيفه علشان تكون الاضاءة حلوه ومناسبه

فايده الاضاءه بس علشان نضبط الاضاءه بين الخلفيه والعنصر مايكون هناك ضلال بجهه وجهه ثانيه منوره

الاضاءه تقدرون تحطونها ع المكان المناسبه مو شرط ع اليسار بس ياليت تكون مركزه ع الخلفيه

اعدادات الكام
أنا اخترت الوضع m
f 5.6
iso 1600

وتطلع النتيجة زي الصورة الأولى

وفيه أكثر من طريقة ..

مثلآ هذي الصورة

الخلفيه سيلفون معفط والاضاءة لمبة حوش معلقة

ماتكلفت فيها ابدآ ..

وهذي

مطر + لمبات شارع

لمبات السيارات والشوارع مره تطلع حلوة

والطرق كثيرة على حسب المتواجد حولك

لعل لنا عودات مع شروح اجدد واجمل

وشكرآ

Cupcakes

السلام عليكم

.

طالعة لي حبة بوجهي ما ادرررري وشش تبببيي

هو أنا متعوده تطلع لي حبوب

بس هذي كرهتني بنفسي

اقولكم ليش ؟ طالعه بوسط شفتي اللي فوق

صايره بين الشفه والخشم

وصايره شفتي منتفخخخخخخخخخخخخخخه

اي احد يشوفني يموت من الضحك

المهم ما علينا غسلت وجهي بقوة وفقعتها شوي

:

نجي لموضوعنا

امس منيرة اختي عندهم شيء بالمدرسة وقالت أنا بسوي كب كيك وابيعه ..

فكانت سهرتي امس حفلة جميلة

< لأن منيرة راحت تنام وأنا اللي كملت الكب كيك

نجي للصور

اول شيء الأدوات المستخدمه في التزيين

الكيك ( بيتي كروكر – bettycrocker ) .. التزيين / جالكسي ، كريمة بيتي كروكر ، مارشميلو ، ام اند امز الصغير ، اوريو الصغير ..

.

خبزنا الكيك

.

بعدين بدأنا نزين على حسب المزاج والألوان الجميلة

بعضهم عليهم جالكسي + اي شيء ملون

وبعضهم كريمة + شيء ملون أو حبة أوريو

.

وهذي صور مقرّبه

< عاجبتني اكثر شيء اللي عليها كريمة واوريو

< حلو الأبيض مع الفوشي

.

< happy face

هذي سويتها آخر شيء قمت اخربط واتفنن وارّسم 

.

< وردة

.

وبالعافيه

طبعآ يوم خلصت صار المطبخ انواااع الحووووسه وملطخ من كل الألواااان في كل مكان بقعه

وكان عقابي اني انظف المطبخ وسهرت عليه

إلى اللقاء في تدوينات جديدة

شحن الطاقة ،

السلاام عليكم ورحمة الله

من زمااااان عن مدونتي الجملية

اهم الأحداث اللي حصلت لي الفترة اللي راحت .. اني تخرجت ولله الحمد وحصلت على حفلات عديده

وأخذت فترة نقاهه طويلة في عالم البطاله الجميل 

والحين قاعده استعيد قوتي واشحن طاقتي سجلت بمعهد Els انقليزي

وسجلت بغراس برنامج بصائر

وقصيت شعري بعد < نوع من انواع شحن الطاقات

واشتريت كاميرا جديدة

Canon 500D

الله يعطيني من خيرها ويكفيني شرها ويارب اصير مصوراتيه اد الدنيا وعندي معارض في انحاء العالم

اللي يبي يهديني هدية يجيب لي عدسة عين السمكة <

ان شاء الله اعود مع تدوينات مفيدة 

يوم المهنة . . / يوم أن قدّمت على وظيفة (H) . .

ترا العنوان المفروض يصير ( يوم أن قـُدِم َ لي على وظيفة ) بس للتشويق كتبت قدّمت اكشخ يعني

أولآ . .

سأعرّف بيوم المهنة

يوم المهنة مناسبة وطنية تمتد ليومين تعقد للمرة الأولى للطالبات في رحاب جامعة الإمام محمد بن سعود الإسلامية، لتلتقي فيها الجهات النسائية المختلفة مع الخريجات لمساعدتهن في تحديد وجهاتهن وتعريفهن بفرص العمل والتدريب المتوفرة توفيراً للوقت والجهد. وذلك تجسيدا لدور الجامعة في المجتمع وتحقيقاً للتعاون مع الجهات المختلفة لتوظيف المواطنات السعوديات من خريجات الجامعة والتعريف بتخصصات الجامعة المختلفة بشكل أفضل ..

كان يوم المهنة الاثنين / الثلاثاء .. 23 – 24 / 5 / 1430 هـ ..

بالجامعة – فرع الملز

فيه دورآت ومعارض وحركاااات .. وفيه تقديم على وظايف

للتفاصيل انقر هنا

الحاصل . . اني أنا وصديقاتي قلنا خن نسجل بالدورات

من باب انهم بيحضّروننا بمحاضراتنا وحنا ماحضرنا ومن باب اننا نروح للملز نوسع صدورنا ونشوف صديقاتنا اللي هناك <هذا مربط الفرس اصلآ

توكلنا على الله وسجلنا بالنت بدورة ( التفكير الإيجابي )

ومن بكرا رحنا للجامعه نأكد التسجيل وندفع الرسوم <يازين الوثوق

رحنا للجامعة وقعدنا نحتري المسؤلة سنه ، وتأخرنا عن المحاضرة ..

وآخر شيء قالوا لنا انهم اكتفوا وتقفل التسجيل

خساااره كان ودّي ارووح

ابي اشوف هاجر ومنال وكل الناس

بس يله خيره

المهم جا اليوم اللي هو يوم المهنه

والبنت اللي اسمها شروق بتروح للملز مع الإرشاد الاكاديمي

جت الصبح سولفنا وقالت بروح يله ..

قلت ايييييييييييه صصصصصصحححححححححححح شووووووفي هااااااااجر

قالت ايه ايه ايه اررررسلي لها خل اشووووفهااااا ابي اطططقها <الله من زين الاغراءات

ارسلت لهاجر قلت لها ان شروق مشتاقة لها وتبي تشوفها وتبي تطقها

لو أنا هاجر ما رحت اشوف شروق < ابد ما يخوّف طقها

فجأة من الفجئات ، ارسلت لي هاجر تقول قدمت لكم على وظيفه تخرجوا لا تفشلوني

يوم جا الظهر جت شروق من الملز

وقعدنا نآخذ الأخبار

قالت قدددمنا لك على وظيفة

هاه . . جادين ؟

قالت ايييييييه والله العظظظيم قدمنا لك ، كتبنا اسمك وكل شيء ..

قلت وشو ويييين ؟

قالت بمدارس الفرسان تهاوشنا على اسم ابوك وكنت بكتب لك ( ابلى ) بس كتبنا ( استااذة دين )

والله رجعت للبيت وأنا احتريهم يدقون علي يقولون تعالي داومي يا استاذة

<<

،